örlagastund

Nú reynir á styrk Evrunnar og samheldni ESB-landa (frekar Evru-landa). Það er rætt í þýskum netmiðlum að þetta sé örlagastund, ekki bara fyrir Evruna heldur ESB öllu.

Maður gæti haldið að þeir sem vissu alltaf fyrirfram að ESB gengi ekki upp hafi rétt fyrir sér. Ef svo er þá er best að þjálfa börnin strax upp til að handsauma skó og boli hraðar en nokkurt kínverskt barn getur og kenna þeim að öðru leyti kínversku.

Ef þeim tekst að 'bjarga' Evrunni, þá bara á þeim forsendum eins og rætt er um, að ESB fái rétt til að fara yfir fjármál allra ESB landa og skipta sér af fjárlagagerð. Þá nálgumst við eftirlit með fjármálum eins og tíðkast í öllum þjóðríkjum sem nota sameiginlegan gjaldmiðil.

Skrítið sú tilhugsun: þeir sem kærðu sig minnst um sameiginlegar (bókhalds)reglur og nýttu sér fullveldi þjóðríkis milli þjóðríkja til að ná sér í góðan bita (aðild að Evrunni og þarmeð lágum vöxtum) á kostnað evrópska samfélagsins (yfirvofandi skuldavandi) valda því að sambandið krefst bráðum rétt til að grípa æ meira inn í fullveldi stakra ríkja til að fylgja reglunum eftir sem allir hafa samþykkt.

Vilja neyðarsjóð fyrir evruna

Athugasemdir

[Gunnlaugur I., 10.5.2010 kl. 07:40]

Sæll Jens. 

Þetta er eftir lögmálinu. Miðstýringarvaldið í Brussel heimtar sífellt meiri ráð og meiri völd og meiri fjármuni og meiri fríðindi.

Þessi samansúrraða sam-spillingarelíta sem að mestu stendur saman af endurunnum uppgjafar pólitíkusum og embættismönnum frá hinum ýmsu aðildarlöndum sem hafa fengið pólitískt framhaldslíf með útdeilingu til Brussel ráðanna, samkvæmt sérstökum kvóta sinna flokksapparata úr aðildarlöndunum þaðan sem þeir koma.

Þessi sam-spillingarelíta hefur svo komið því þannig fyrir að þeir hafa mjög litla vinnuskyldu en eru samt sem áður á a.m.k. 4 sinnum hærri launum en þeir nokkru sinni gátu haft sem stjórnmála- eða embættismenn í heimalöndum sínum.

Þeir skammta sér gríðarlega risnu og fríðiindi. Þeim bjóðast svo eftirlaun sem nema margföldum eftirlaunum venjulegs fólks. 

En til að bíta höfuðið af skömminni þá hafa þeir svo snilldarlega komið því þannig fyrir að þeir borga ekki eitt cent af þessum sjálftekna ofurlaunum í skatta, hvorki til heimalanda sinna né í sjóði ESB.

Skattfrjáls ESB AÐALL !  Þessi aðall er svo nær því ósnertanlegur líka því að þeir hafa enga leiðinda kjósendur til að gera athugasemdir við störf þeirra eða starfsleysi. Þeirra umboð hefur ekkert með fólkið að gera því þeirra umboð er miklu merkilegra og æðra en það, því að þeirra umboð er komið frá óskeikulu apparatinu sjálfu, sem þeir svo auðvitað fyrst og fremst þjóna.

Var einhver að tala um klamúteruna í Sovétríkjunum sálugu ! 

Ja ekki er nú von á góðu og nú þykjast þeir þess best umkomnir að fara að gína yfir öllum fjármálum aðildarlandanna til að geta "stjórnað betur".

Þeir sem ekki hafa getað stjórnað neinu í sínum eigin fjármálum í áratugi.

Ársreikningar Sambandsins hafa ekki fengist undirritaðir af hálfu löggiltra endurskoðenda í meira en 15 ár samfleytt.

Endurskoðendurnir segja að reikningarnir stemmi alls ekki og að meira en 50 milljarðar EVRA glatist árlega í meðförum Commísararáðana og úr sjóðum sambandsins.

Þvílíkt sukk og svínarí, svo vilja þeir fara að gína yfir enn meiri fjármunum.

ESB- apparatið er fársjúkt af spillingu og er nú eins og deyjandi risaeðla.

Evran er eitthvert mesta efnahgslega og pólitíska misfóstur mannkynssögunnar síðan Sovétríkn sálugu liðuðust í sundur.

Guð forði okkur frá því að koma nálægt þessu siðspillta apparati og þeirra svínaríi öllu saman.

                            ÁFRAM ÍSLAND - EKKERT ESB !